Skilgreining?

Til að forðast misskilning er rétt að taka fram varðandi ensku verkefnið mitt, sem veldur mér þessum ógurlega taugatitringi, að kennarinn vísar í góða ameríska síðu með I Believe dæmum. Ég rak augun í nokkrar dæmisögur þarna sem mér fannst fljótt á litið afar væmnar og stundum lét ég fyrirsögnina duga sem sannanir fyrir væmnis sekt sögumanna. (eitt orð eða tvö, mér gengur illa að átta mig á því) Ég er ekkert að draga í land með þetta mál en ég fór að velta því fyrir mér hvort ég þyrfti ekki að skilgreina tilfinningaklám betur. Svo fór ég að velta því fyrir mér hvort ég hefði ekki gert það einhverntíma hérna og núna hugsa ég um það hvað væri gott að hafa heilastarfsemina í eins góðu lagi og hún var í denn.
Ég sakna minnisins og finnst þetta hvarf þess hið mesta óréttlæti.
Svo er ég búin að ofreyna í mér heilann á enskulestri í kvöld og man ekki meir hvað ég ætlaði að segja hérna.
Ég hef sterklega á tilfinningunni að 9 ára gamall frændi minn sé sterkari í enskunni en ég en það þýðir ekkert að væla, varla hefur mér dottið í hug að ég gæti rúllað upp þessu blessaða námi á þess að hafa nokkuð fyrir því! Eða hvað? Samt hefði nú verið þægilegra að geta keypt þær bækur sem eru á námsskránni. Keilir er aðeins að klikka á því að gefa bókabúðinni upplýsingar um bókalistann á hverri önn og nú vantar mig sárlega skruddu sem heitir því skemmtilega nafni ,,bulding skills for the toefle ibt".