Þessar ábendingar eru að vísu nafnlausar en nefndin sér sig samt tilknúna til að athuga hvort þær eigi við rök að styðjast og telur að annað væri ábyrgðarleysi. Töluvert hefur borið á því að vatnsbúskapur umrædds frosks hafi ekki verið fullnægjandi en taka ber fram að forðagæslunefnd hefur engar athugasemdir gert um fóðrun og fóðurbirgðir á bænum.
Fegrunarnefnd froskabyggðar hefur marg lagt til að unnið verði í umbótum í froskabúrinu með því að bæta þar við gróðri en þó svo umsjónarmenn búrsins hafi tekið vel í erindið hefur ekkert borið á ræktunarframkvæmdum.
Þrátt fyrir að ýmislegt bendi til að andlegum þroska frosksins sé ekki sinnt sem skyldi sér Froskavarnarnefnd ekki ástæðu til neinna aðgerða að svo stöddu annara en að fara með einn haustlauk sem er byrjaður að spíra í þvottahúsin nefndarinnar og prófa að setja hann niður í barkarkurlið í froskabúrinu.
.
1 ummæli:
Góð hugmynd! Einhvern sem tekur hann að sér aðra hverja helgi og svo þarf einhvern í liðveislu fyrir hann. Fara með hann í Fjölskyldu og húsdýragarðinn og svoleiðis.
Hver vill?
Skrifa ummæli