Ég er að ná upp nokkuð góðir þjálfun í Insert Footnote (Alt + Ctrl + F). Mér finnst það telja nokkuð en á þriðjudaginn ætla ég samt að skreppa upp í Þraut og fá annað þjálfunarprógramm. Ég kom við þar á miðvikudaginn og fór út buguð manneskja, ég er í svo góðum málum að ég má ekki vorkenna mér nema pínulítið. Allir hinir eru í miklu meiri klessu eins og Ómar sagði hérna um árið. Svo skoraði ég 0 í geðrænuvandamálunum svo ekki er vefjagigtin þeim að kenna. (Ég var svolitla stund að meðtaka þetta 0 dæmi. Ég hef nefnilega sóst eftir því að vera ekki undir 5 í neinu undan farið.)
Uppbótin fyrir sjálfsvorkunarbannð var að ég er með vefjagigt á því stigi að hún getur lagst í dvala (eins og hlaupabóluvírusinn sem sefur einhverstaðar við taugaendana) ef ég fer virkilega vel með míg.
Þess vegna hamast ég við að telja sjálfri mér trú um að nú taki ég mig á og stundi hæfilega þunga og reglulega hreyfingu, borði líka reglulega og hæfilega mikið, forðist stress og álag bæði andlega og líkamlega og hætti að vaka yfir verkefnum fram á rauða nótt korter í skil. Eitthvað gengur mér nú samt illa að sannfæra sjálfa mig. Ætli ég þurfi ekki bara líka að æfa mig í að vera sannfærandi.
Engin ummæli:
Skrifa ummæli