Sportleg

Jæja, ég kom því loksins í verk að hjóla í vinnuna og til að gera gott betur fór ég út að skokka í hádeginu. Jamm, ótrúlegt en satt þá elti ég íþróttaálfinn í vinnunni í hálftíma. Hann setti upp ævingaplan fyrir Reykjavíkurmaraþon. Ekki það að hann ætli að þjálfa vinnufélagana upp í að taka hálf- eða heilmaraþon, hann er raunsær og er að bjóða okkur að þjálfa fyrir skemmtiskokkið.


Ég fór með í dag en hvað miðvikudagur ber í skauti sér kemur í ljós. Ég bíð eftir nóttinni og morgundeginum áður en ég ákveð framhaldið.





Ég þarf að renna í gegnum nokkra kafla í því sem við höfum verið að prófarkalesa en ég bara nenni því ekki.


Á morgun segir sá lati en það er bara fundastúss á morgun og enginn lesfriður. Stundum held ég að það væri betra að fá einhvern í þetta sem er ekki að stússast í of mörgu.

Ég hitti þennan fjallmyndarlega eða á ég að setja trjámyndarlega þjóðverja í sumarfríinu.

Eitthvað var þessi dagur ekki almennilega að gera sig.
Ég er orðin hundleið á aumingjaskap.

Heimakær

Ég hangi heima í dag og læt mér leiðast.
Ég byrjaði daginn ofurvel með því að fara í göngutúr klukkan 6 í morgun. Dáðist að veðrinu, görðunum, fuglunum með ungana við fjöruna og fór svo heim. Mér fannst ég vera hálf máttlaus og léleg til gangs og álasaði mér harðlega fyrir að halda mér ekki í formi svo 20 mínútna göngutúr væri mér ekki ofviða. Eftir morgunsturtu fór ég í þvottahúsið og þurfti nærri því að skríða upp stigann aftur. Ég skreið beint inn í rúm, skjálfandi bæði á höndum og fótum af allri þessari áreynslu, breiddi yfir mig sæng og sofnað þrátt fyrir velgjuna sem ég fann fyrir.
Ég hefði ábyggilega sofið fram að hádegi ef ég væri ekki svona vinsæl og ætti síma.
Núna er komið langt fram yfir hádegi, ég öll að hressast og hundleiðist að hanga inni. Mig langar austur á land að hlaða grjóti.

Tíminn

Ég skrapp rétt fyrir hádegið að aðstoða Sjúkraliðann í aukavinnunni, ætlað að vera klukkutíma, var til klukkan fimm. Kom heim og ætlaði að drífa mig í heimskókn í Engjasmárann, mundi þá að ég er bíllaus!
Ég er að borða hádegismatinn núna.

Í svefnrofunum

Klukkan 5:20 í morgun heyrði ég krafs í svefnherbergishurðina, þegar ég opnaði stóð þar rautt, raunamætt dýr sem horfði á mig ásökunaraugum sem tjáðu mér að hreinlætisaðstaða þess væri lokuð inni. Eftir leiðréttingu á þessu misrétti sofnaði ég aftur.
Klukkan 6:08 vaknaði ég við krafs í svefnherbergishurðina, þegar ég opnaði stóð gráhvítur ferfætlingur, kviðdreginn mjög og augnaráðið tjáði mér að matardallar væru tómir eftir nágrannana og mér væri fyrir bestu að bæta í þá. Ég gerði það og sofnaði aftur.
Klukkan 6:20 var aftur krafsað og nú benti sá gráhvíti mér á að hans tími fyrir morgungöngur væri kominn en útgönguleiðin væri lokuð. Ég opnaði, skreið upp í aftur og svaf ekki meir þennan morgun.
Eftir hádegi bætti ég úr svefnleysinu og þegar ég vaknaði hafði aðdráttarafl jarðar aukist til muna. Ég held það sé farið að lagast.

Talandi um drauma

Hvaða merkingu ætli það hafi að dreyma barnabarn Hildar Helgu og sjá að það er lifandi eftirmynd hennar.
Ég hef ekki hugmynd um fjölskylduaðstæður konunnar, hvað þá hvort hún á börn og/eða barnabörn.
Jæja ef hún eignast eitt verður það ábyggilega lifandi eftirmyndin hennar.

Listinn

Prófum að raða og sjá hvernig gengur að standa við það. Vesturbærinn á miðvikudag, Engjasmárinn á fimmtudag. Eru fleiri í sumarfríi en ég?

Nokkrar staðreyndir

Ég áttaði mig ekki á því þegar ég pakkaði niður á laugardaginn að sólarvörn í spreyi væri vökvi. Það kostaði mig lítið notaða sólarvörn í ruslinu á Kölnar/Bonn flugvelli.

Ég sólbrann í dag en ekki í fríinu í Þýskalandi.

Flubbinn minn kemur heim á morgun, sennilega með ryksuguþjark í farangrinum. (fyrrum vinnustaður seldi þjarka en ekki róbóta, það hlýtur að eiga um fleira en Fanuc robota)

Ég má ekki vinna á fartölvur nema í réttri vinnustöðu og með aukalyklaborði, annað kostar veikindadag.

Ég þekki orðið stóran hluta af þýsku vegakerfi.

Móseldalurinn er staður sem ég þarf að skoða betur.

Þjóðverjar í Svartaskógi innrétta ,,Gilluleg" hótel og gistihús.


Ég er orðin mjög fær í að túlka leiðsögn Garmin leiðsögutölvunnar frá Elkó.

Leiðsögutölvan fékk nafnið Guðríður. Hún virtist alltaf verða rykug í heilanum í borgarumhverfi.

Guðríður Þorbjarnardóttir var kona Þorfinns karlsefnis, hún ól fyrsta Evrópubúann sem fæddist í Ameríku og hún gekk til Rómar eftir að hún hafði dvalist í Ameríkunni.

Ég er ekki viss um að Kennarinn hafi haft Guðríði Þorbjarnardóttur í huga þegar hann nefndi leiðsögutölvuna en mér finnst nafnið við hæfi.


Eiginlega stendur upp úr frá Þýskalandsferðinni að kaupa kirsuber úr sölubásum við þjóðveginnn. Ummm!

Vikubloggarinn lét á sér kræla en eftir að hafa tékkað á henni einu sinni í mánuði í 5 mánuði var ég auðvitað búin að afskrifa tjáningarþörf hennar í bloggheimum og hún þurfti að tilkynna mér munnlega endurkomuna. Velkomin ;)

Ef æðarkolla heldur að hún sé önd ætli ætli hún ali þá afkvæmin upp sem æðarendur?

Ég fór í fósturgarðinn minn í dag og velti því fyrir mér hvort ég sé ekki alltaf að forgangsraða í öfuga röð.

Vinaheimsókn er næst í endurraðaðri forgangsröð. (hvað ætli verði langt þangað til vinnan verður aftur orðin í fyrsta, öðru og þriðja sæti?)

Ég tók einvern slatta af myndum í ferðinni, ég þarf að fara yfir þær henda út og setja í vefalbúnið mitt.

Ég velti því fyrir mér hvort ég eigi að fara á þetta námskeið:
MYNDAVÉLIN:
Fariðer ítarlega í allar helstu stillingar á stafrænu myndavélinni, m.a. ljósop, hraða, White balance, ISO, ljósmæling, pixlar, jpg/raw og margt fleira. Einnig er farið í Menu stillingar og þær útskýrðar.
LINSUR / FILTERAR:
Tekin eru fyrir helstu atriði varðandi linsur og filtera.
MYNDATÖKUR & MYNDBYGGING:
Fjallað um myndbyggingu og gefin góð ráð til að ná enn betri myndum við ýmsar aðstæður. T.d. landslag, Norðurljós, nærmyndatökur, portrett og margt fleira. Sýndar margar útfærslur af myndatökum.
Auk þess verður útskýrðar almennar myndatökur og gefin góð ráð til að ná enn betri myndum.
ATH. Ekkert er farið í tölvumálin á þessum námskeiðum.


Eða þetta:


MYNDAVÉLIN:
Farið er ítarlega í allar helstu stillingar á stafrænu myndavélinni, m.a. ljósop, hraða, White balance, ISO, ljósmæling, pixlar, jpg/raw og margt fleira. Einnig er farið í Menu stillingar og þær útskýrðar.
LINSUR / FILTERAR:
Tekin eru fyrir helstu atriði varðandi linsur og filtera.
MYNDATÖKUR & MYNDBYGGING:
Fjallað um myndbyggingu og gefin góð ráð til að ná enn betri myndum við ýmsar aðstæður. T.d. landslag, Norðurljós, nærmyndatökur, portrett og margt fleira. Sýndar margar útfærslur af myndatökum.
STÚDÍOMYNDATÖKUR:
Nemendur fá tilsögn í hvernig á að búa til einfalt og ódýrt heimastúdíó og nemendur spreyta sig á að taka stúdíó myndir með mismunandi lýsingu. Myndunum verður varpað á stórt tjald og rætt um útkomuna.
TÖLVUVINNSLAN:
Sýnt hvernig best er að geyma myndir og sérstakt gagnaflutningaforrit er kynnt.
Forritið kemur í veg fyrir að myndir "týnist" eða þær séu settar tvisvar inn. Færa myndir yfir á tölvuna.
Setja myndir í möppur, koma skipulagi á myndasafnið og skráningu mynda.
Skipta um nafn á myndum, snúa myndum við, skoða allar upplýsingar um myndir.
Senda myndir með tölvupósti og geyma myndir á öruggan hátt. Prenta út myndir.
PHOTOSHOP
Lagfæra myndir, Taka burt atriði úr myndum. Kroppa myndir. Skipta um bakgrunn. Gera myndir svart/hvítar.
Gera myndir brúntóna. Setja lit á hluta af myndum. Breyta myndum með effectum. Setja ramma utan um myndir.
Minnka myndir. Dekkja og lýsa myndir. Auka og minnka kontrast í myndum. Vista myndir ofl.
/span><


Upphaflega ætlaði ég á þetta en næ aldrei að bóka mig áður en það er orðið fullbókað. Ætti ég að bíða eftir næsta.
MYNDAVÉLIN:
Farið er ítarlega í allar helstu stillingar á stafrænu myndavélinni, m.a. ljósop, hraða, White balance, ISO, ljósmæling, pixlar, jpg/raw og margt fleira. Einnig er farið í Menu stillingar og þær útskýrðar.
LINSUR / FILTERAR:
Tekin eru fyrir helstu atriði varðandi linsur og filtera.
MYNDASALA OG MYNDABANKAR:
Bent á nokkrar leiðir til að selja myndir, bæði beint til kaupenda og einnig í gegnum myndabanka.
MYNDATÖKUR & MYNDBYGGING:
Fjallað um myndbyggingu og gefin góð ráð til að ná enn betri myndum við ýmsar aðstæður. T.d. landslag, Norðurljós, nærmyndatökur, portrett og margt fleira. Sýndar margar útfærslur af myndatökum.
STÚDÍOMYNDATÖKUR:
Nemendur fá tilsögn í notkun á stúdíóljósum og öðrum búnaði í stúdíó. Módel mætir á svæðið og nemendur spreyta sig á að taka stúdíó myndir með mismunandi lýsingu. Myndunum verður varpað á stórt tjald og rætt um útkomuna.
TÖLVUVINNSLAN:
Sýnt hvernig best er að geyma myndir og sérstakt gagnaflutningaforrit er kynnt.
Forritið kemur í veg fyrir að myndir "týnist" eða þær séu settar tvisvar inn.
SKRÁNING MYNDA:
Nemendum er kennt að koma skipulagi á myndasafnið og sérstakt umsýsluforrit er kynnt. Hægt er að setja ógrynni af leitarorðum og hægt að að velja um margs konar leitarskilyrði. Algjört skilyrði að vera með skipulag á myndasafninu ef um mikið magn mynda er að ræða.
RAW VINNSLA:
Sýndar aðferðir við að vinna og laga RAW myndir og vista þær á önnur sniðmót (format).
PHOTOSHOP:
Að gera góða mynd enn betri með PHOTOSHOP. Sýndar eru ýmsar leiðir í myndvinnslu á þessu frábæra forriti.
/span><


Ég hefði kannski átt að muna að spyrja þennan eina tilvonandi atvinnuljósmyndara hvernig honum litist á þessi námskeið.

Nú er ég búin að sitja of lengi við tölvuna þó þetta sé venjulegt lyklaborð á borði! Ætli það bitni á mér á morgun?

Frí

Ég er í viku fríi, ég þarf að gera svo mikið að ég veit ekki hvar ég á að byrja.

Trier

Trier, hiti, sol og solbruni.
Nu a ad akveda hvert verdur farid naest.

STAU - umferðarteppa

Ég verð að muna að Stau þýðir umferðarteppa og ég þarf að muna hvernig B&B er skrifað á þýsku, ég er bara búin að steingleyma því síðan í gærkv.
Okkur var tjáð að það væru skilti með öllum vegum sem vísuðu á b&b og bændagistingu, þyrftum bara að passa okkur á að finna gistingu fyrir myrkur, svo ég bókaði ekkert hótel næstu nótt.
Ferðafélagarnir voru með einfaldar óskir á síðasta ferðafundi, annar hafði eftir föður sínum ,,gistið þið ekki örugglega á litlu stöðunum" og hinn sagði að Frankfurt væri borg sem við þyrftum endilega að skoða. Við komumst að því að þar er von á stóreflis bílasýningum. Við sjúkraliðinn verðum ekki í vandræðum með að rölta um og skoða Benza og annað á fjórum hjólum.
Fékk link á þokkalega ódýrt hótel í Darmstad og þegar ég verð farin að nálgast Frankfurt skoða ég hvort við gistum þar eða í Darmstad http://www.hotel-ernstludwig.de/index_en.htm
Kennarinn vildi leigja bíl hjá Hertz, hann fékk vildarpunkta út á það en það var svo mikill munur á að leigja með eða án GPS að það kom svipað út af fara í Elkó og kaupa GPS með evrópukorti. Kannski er það ekki eins gott að það sem fylgir þýskubílunum og lætur okkur ekki vita hvort það er STAU framundan en það verður þá bara að hafa það.
Heilsan er upp á við og ég þarf að hreinsa upp á skrifborðinu áður en ég fer.
Er reyndar búin með helling en á helling eftir.

Fljótfærni

Ég fékk reikning fyrir stuttu, reikning fyrir tveimur flugmiðum til Kölnar 8. júni. Ég skildi hvorki upp né niður enda búin að fá kvittun fyrir tveimur miðum úr 8. júní og tveimur heim 14. júní. Gat þett verið kvittun fyrir annari leiðinni og hin kæmi seinna?
Ég hafði ekki tíma til að spá í það þann daginn og það var ekki fyrr en ég fór að athuga hvernig kortið væri statt og hvað ég þyrfti að borga af því núna til að vera nú í öruggum höndum Mastercard á ferðalaginu sem ég sá að á því var færsla fyrir rúmum 19 þúsund krónum dagsett 3o.maí að ég fékk áfall.
Ég fór að lesa reikninginn og skildi hvorki upp né niður í þessu sem mér sýndist vera breytingagjald á fluginu mínu en það var þó ekkert breytt.
Ég hringdi í Flubbann til að fá áfallahjálp og til að fá færari manneskju en mig lesa í gegnum gögnin sem ég var með. Hún brást við og fékk vana manneskju til að hafa samband við flugfélagið til að fá skýringar og bera upp kvörtun. Í ljós kom að Germanwings hafði tekið út af kortinu mínu fyrir flugi sem ég reyndi að bóka 17. maí en þá var kortið ekki samþykkt og ég lagið ferðaáætlunina í salt í viku. Að viku liðinni bókað ég svo aftur hjá þessu heiðurs flugfélagi og nú fram og til baka, kortið samþykkt og allt í sómanum. Bókunarsíðan hjá þeim hélt þó áfram að reyna að taka fyrri tilraunina út af kortinu mínu þar til það fékkst samþykkt 30. maí.
Svarið frá þeim var að þetta yrði athugað en gæti tekið 2 vikur að fara í gegnum kerfið hjá þeim. Til að hafa vaðið fyrir neðan mig ákvað ég að hringja í Borgun og spyrja þá hvar ég stæði í svona málum, hvaða rétt ég hefði og hvort ég þyrfti að bíða í tvær vikur eftir leiðréttingu, ef hún fengist.
Þar sem ég fann ekki kortið þegar ég var búin að hringja í þjónustuver Borgunar fór ég í heimabankann til að finna kortanúmer og kíkti svo á yfirlitið og sjá endurgreiðslan hafði verið gerð daginn eftir að fyrirspurnin var send út.
Ég sem sagt hefði getað sparaði mér símtalið ef ég hefði farið inn á heimabankann fyrst. Það var samt allt í lagi að heyra í eins og einum þjónustufulltrúa, ég hef ekki talað við svo marga í dag.

5 júní

Á morgun er 6.6. 2008 og ég óska Sjúkraliðanum til hamingju með daginn fyrirfram.

Ég lúskraðist heim úr vinnunni í dag eftir tveggja tíma viðveru, lagðist upp í rúm og reyndi að vinna bug á vöðvaverkjum og höfðuverk auk hálsbókgu. Hugsaði til þess með hryllingi að fá höfðuverjakast með margra tíma uppköstum, vera svo eins og drusla næstu daga og vera að fara í næturflugi út, svo ég ákvað að nú væri timi til að vera skynsöm og stoppa sig af.
Ég fór nú samt í klippitímann sem ég átti í hádeginu, kom svo við á blindrabókasafninu á heimleiðinni, rétti starfsmanni þar pappír upp á að ég ætti erfitt með að halda á bókum og arkaði svo út með Engla dauðans í vasanum ásamt öðru.
Ég fann mér tölvu þegar heim var komið setti disk í lagðist upp í sófa og sofnaði undir lestri höfundar á sögunnni.
Þegar ég vaknaði byrjai ég upp á nýtt og er búin með tólf kafla á heilum degi. Gallin við þessa ,,lestrar" aðferð er að bók sem tekur 12 tíma í upplestri gæti ég lesið á 3 -4 tímum með minni aðferð. En þá fengi ég auðvitað helv. verki í handleggi og herðar og sumt verður maður bara að sætta sig við.
Ferðafélagarnir eru eitthvað að kvabba um ferðaskipulagningu og ég er að hugsa um að lána þeim tölvu til að redda því. Ég er ekki einu sinni að koma því í verk að skipuleggja ferðatöskuna mína en ætla að sleppa vinnudjammi á morgun til að bjarga því.

Í dag

Í dag er ég komin heim og í kvöld verð ég þarna:
1. Jún.2008, kl. 20:00
Carmina Burana
Carnegi Hall kórinn = 150 söngvarar úr 5 kórum
- Óperukórinn í Reykjavík- Skagfirska Söngsveitin- Kvennakór úr Domus vox- Landsvirkjunarkórinn- Carmina hópurinn úr Skagafirði
Flytja eitt v... Meira »insælasta kórverk allra tíma Carmina Burana eftir Carl Orff í Langholtskirkju sunnudaginn 1. júní n.k. kl. 20 og 22
Einsöngvarar:
Sigrún Hjálmstýsdóttir sópran, Bergþór Pálsson baritón og Þorgeir J. Andrésson tenór
Hljómsveit:
Tveir flyglar / Guðríður Sigurðardóttir og Julian Hewlett Slagverkssveit undir stjórn Eggerts Pálssonar
Stjórnandi:
Garðar Cortes

á morgun verð ég svo í vinnu upp fyrir haus en það er önnur saga.
Reyndar las ég þrælgóða bók í fluginu í dag, verst að ég man ekki hvað hún heitir. Ætli ég googli það ekki.